Tu Mioñololi Uloño Wetu Kupange Woku Kunda​—Oku Eca Uvangi Pocakati Cocimalẽho Coku Lavulula

ESUNGA LIECI CI KUETELE ESILIVILO: Omo liuloño wa livokiya kuenda oku livokiya kungangala, omanu va kuete usumba woku yikuila epito komunu una ka va kũlĩhĩle. Kuenje va kapa ovimalẽho vioku mola omunu o kasi posamua loku sapela laye osimbu ka va yikuile epito. Citava okuti tu kuata ohele yoku kundila olondaka viwa komunu una okuti eye lika o tu lete. Olonumbi vi kuãimo vi ka tu kuatisa oku eca uvangi lekolelo ndaño lovimãleho viaco vioku lavulula.

NDOMO CI LINGIWA:

• Kuata ocisimĩlo ca sunguluka. Omanu valua va kuete ovimalẽho vioku lavulula citava okuti va lekisa onjongole yoku sapela letu

• Ivaluka okuti ovimalẽho vimue vioku lavulula, vi pondola oku ku ngalavala noke muẽlianjo o yevelela loku tala eci wa linga osimbu wa kala pocitumãlo caye

• Eci muẽleanjo a tambulula, kala ndu okuti vu kasi oku vangula polo la polo. Yolapo kamue kuenda linga olondimbukiso via sunguluka. Popia ovina wa sokiwa oku vangula nda okuti muẽleanjo weya pepito. Nda pepito peli ocimalẽho coku lavulula, ocipala cove ka ci kameleko calua. Nda muẽleanjo ka tambuluile, ku ka popie cimue

• Akundi va sukila oku kuata utate kueci va sapela omunu lukuavo osimbu va kasi pepito, momo pamue ocimalẽho coku lavulula ale anguena aco, a kasi oku ngalavala eci vu kasi oku vangula