EKALO LIAKRISTÃO
Olonjanja Viosi Eci o Likutilila Ivaluka Akristão Vana va Kasi Oku Lambalaliwa
Embimbiliya li popia hati Satana, wa laikele oku tu lambalala loku seteka oku tateka upange wetu woku kunda. (Yoa. 15:20; Esit. 12:17) Tu pondola oku kuatisa ndati vamanjetu Akristão va kasi oku lambalaliwa kolofeka vikuavo? Tu ci linga poku va kongela volohutililo vietu. “Ohutililo yukuesunga yi kuete unene.”—Tia. 5:16.
Nye tu sukila oku pinga vohutililo? Tu pinga ku Yehova oco a pamise vamanjetu loku va kuatisa oku kuata utõi. (Isa. 41:10-13) Tu pondolavo oku pinga volohutililo oco olombiali vi ecelele okuti upange woku kunda u lingiwa lelianjo, “oco tu kale lomuenyo umue wonjuka haiwo wombembua.”—1 Tim. 2:1, 2.
Paulu la Petulu eci va lambalaliwile kocita catete, Akristão poku likutilila va tukula olonduko viavo. (Ovil. 12:5; Va Rom. 15:30, 31) Nda ka tua kũlĩhĩle olonduko via vamanji vosi va kasi oku lambalaliwa koloneke vilo, citava okuti tu tukula ekongelo, ofeka, ale ocikanjo cavo?