Yehova o Sole Omanu va Liyelisa

“Sukula ovaka ove. Ongotiya ciwa ovina viove. Komba posi. Inaisi ovinene.” Olonjali vialua via siata oku longisa omãla vavo ndomo vi kuata ocituwa coku liyelisa. Pole, olonumbi vioku liyelisa vi tunda ku Suku yetu o kola. (Etu. 30:18-20; Esin. 23:14; 2 Va Kor. 7:1) Eci tu yelisa etimba lietu kuenda ocitumãlo tu kasi, tu sanjuisa Yehova. (1 Pet. 1:14-16) Nye ci popiwa catiamẽla konjo yetu kuenda pocitumãlo tu sangiwa? Ca litepa lomanu vakuavo va siata oku inasi ovinene volokololo kuenda volondui, Akristão va likolisilako oku yelisa ongongo. (Osa. 115:16; Esit. 11:18) Ndaño kovina vitito ndeci, oku inaisi olonjeke tuopa ovina vioku lia ale ololata viongasosa, vi pondola oku situlula ocituwa cetu coku liyelisa. Kolonepa viosi viomuenyo wetu, tu yongola oku “imba uvangi wokuti tulondingupange via Suku.”—2 Va Kor. 6:3, 4.

TALA OVIDEO LOSAPI HATI, SUKU O SOLE OMANU VA LIYELISA KUENDA TAMBULULA APULILO AKUAIMO:

• Nye omanu vamue siata oku linga oco ka va ka yelise ovina viavo?

• Ocihandeleko ca eciwile ku Mose ca situlula ndati ocisimĩlo ca Yehova catiamẽla koku liyelisa?

• Tu pondola oku eca ndati uvangi watiamẽla ku Yehova ndaño ka tu popi cimue?