Ene Amalẽhe—Anga hẽ Yehova Ekamba Liene Lia Velapo?

Ovituwa vipi wa siata oku mola kekamba liove? Citava okuti wa kapako ovituwa vioku kala ukuacili, ukuahenda kuenda ukuacali. Yehova o kuete ovituwa viaco viosi. (Etu. 34:6; Ovil. 14:17) Eye oku yevelela eci o likutilila kokuaye. Oku kuatisa eci o sukila ekuatiso. (Osa. 18:19, 35) Ecela akulueya ove. (1 Yoa. 1:9) Yehova ekamba limue liwa calua!

O pondola oku kala ndati ekamba lia Yehova? Lilongisa eci catiamẽla kokuaye poku tanga Embimbiliya. Kolela kokuaye. (Osa. 62:8; 142:2) Lekisa okuti wa kapako ovina vikuete esilivilo ku Yehova, ndeci Omõlaye, Usoma waye kuenda olohuminyo viaye viokovaso yoloneke. Sapuilako vakuene catiamẽla kokuaye. (Esin. 32:3) Nda wa kuata ukamba wocili la Yehova, eye o ka kala ekamba liove otembo ka yi pui.—Osa. 73:25, 26, 28.

TALA OVIDEO LOSAPI HATI, ENE AMALẼHE—‘SETEKI OCO VU LIMBUKE OKUTI YEHOVA UWA’ NOKE TAMBULULA APULILO AKUÃIMO:

• 

  O lipongiyila ndati elitumbiko kuenda epapatiso?

• 

  Vakuene vekongelo va ku kuatisa ndati oku vumba Yehova?

• 

  Upange woku kunda u pamisa ndati ukamba wove la Yehova?

• 

  Apuluvi api o kuete oku linga kupange wa Yehova?

• Nye o sole vali catiamẽla ku Yehova?