Lekisa Ohenda

Ohenda, uloño woku kuata elomboloko liovina, ovisimĩlo ovituwa kuenda ovina vakuetu va sukila. Omanu vakuavo va pondola oku limbuka nda tu va kuetele ohenda. Nda tu kuete onjongole yoku va kuatisa, ocina cimue ci ka tu vetiya oku ci linga, oku lekisa ohenda kokuavo. Eci tu lekisa ohenda kupange woku kunda, tu setukula ocisola ca Yehova locituwa caye coku tata omanu kuenda ci kuatisa omanu oku amẽla kokuaye.—Va Fil 2:4.

Oku lekisa ohenda ka ci lomboloka uloño umue; mua kongela ndomo tu yeva, oku vangula, ovituwa vietu, olondimbukiso vietu kuenda ekalo liocipala cetu. Tu lekisa ohenda poku kapako omunu umue. Tu ci linga poku kũlĩhĩsa olonjongole viaye, ovina a tava kuenda ekalo liaye. Tu pondola oku eca olonumbi kuenda ekuatiso omunu waco a sukila, pole, ka tu u kisika oco a linge apongoloko. Nda omanu tu kundila va tava kekuatiso lietu, esanju lietu kupange woku kunda li livokiya.

TALA OVIDEO LOSAPI HATI, KUATA ESANJU KOKU LINGA OLONDONGE—MIOÑOLOLA ULOÑO WOVE—LEKISA OHENDA, KUENDA TAMBULULA APULILO A KUÃIMO:

• 

  Manji Neeta wa lekisa ndati ohenda eci Jade a kala oku cilua?

• 

  Manji Neeta wa lekisa ndati ohenda eci Jade a popia hati, ka yongola vali oku lilongisa?

• 

  Manji Neeta wa lekisa ndati ohenda eci Jade a popia hati ka lipongiyile?