Kepĩli: Hurricane Ian, ko Florida, USA, Enyenye Linene 2022 (Sean Rayford/Getty Images); pokati: Ina umue o kasi oku tila, ko Donetsk, Ukrania, Evambi Linene 2022 (Alex Chan Tsz Yuk/SOPA Images/LightRocket via Getty Images); kondio: Omanu valua va kasi oku linga oseteko yo KOVID, ko Beijing, China, Kupupu 2022 (Kevin Frayer/Getty Images)
AMAMAKO OKU LAVULULA!
Unyamo 2022: Unyamo Umue Wovitangi Vialua—Nye Embimbiliya li Popia?
Vokuenda kunyamo 2022, uyaki, ovitangi viekambo liolombongo kuenda ovilunga, via sakalaisa calua omanu. Embimbiliya li lekisa ciwa elomboloko lia suapo liovolandu aco.
Elomboloko liovolandu a pita kunyamo 2022
Ovolandu a pita kunyamo wa sulako, a livokiya calua kuenda a situlula eci Embimbiliya li popia okuti “oloneke via sulako.” (2 Timoteo 3:1) Otembo ya sulako ya fetika kunyamo 1914. Kũlĩhĩsa ovolandu a pita a situlula eci Embimbiliya lia popele catiamẽla kotembo yetu:
“Ovoyaki.”—Mateo 24:6.
“Unyamo 2022 wa [Kala] Wusumba Omo Liuyaki wa Tiuka ko Europa.”a
Tanga ocipama losapi, “O Russia yi Linga Uyaki lo Ukrania.”
“Ku ka kala onjala.”—Mateo 24:7.
“Unyamo 2022: Unyamo Umue Wonjala Yalua.”b
Tanga ocipama losapi, “Uyaki ko Ukrania u Vokiya Ekambo Liokulia Voluali Luosi.”
“Afengi.”—Luka 21:11.
“Oku tiuka kuvei wociteyateya, oku livokiya kuvei u tunda kolosima kuenda efengi lio KOVID-19, via situlula ovovei akuavo a sambuka kuenda a kasi oku amamako oku ponda omanu.c
Tanga ocipama losapi, “Olohuluwa Epandu Viomanu va fa Omo Lio KOVID.”
“Ovina vi yokokisa.”—Luka 21:11.
“Owuya walua, ovitenya, oku pia kuovisenge kuenda andunde ovava. Okuenye 2022 ku ka ivalukiwa omo liovolandu asumuisa a pita kunyamo waco, okuti a koka enyõleho lialua, oku pondiwa kuolohuluwa viomanu kuenda olohuluwa vialua viomanu voluali luosi via siapo olonjo viavo.”d
Tanga ocipama losapi, “Voluali Luosi Owuya u Kasi Oku Livokiya Calua.”
“Onjuela [ale “ombuanja” etosi.].”—Luka 21:9.
“Oku livokiya kuonyeño yomanu omo liocitangi cekambo liolombonge, oku livokiya kuondando yovina kunyamo 2022, kua vetiya omanu oku lingila ombuanja olombiali.”e
Tanga ocipama losapi, “Elivokiyo Lialua Liondando Liovina Voluali Luosi.”.”
Nye ci ka pita kunyamo wiya?
Ka tua kũlĩhĩle eci ci ka pita kunyamo 2023. Eci tua kũlĩha ceci okuti, Usoma wa Suku ale uviali wokilu, u ka nena apongoloko anene palo posi. (Daniele 2:44) Usoma u ka malako ono yohali omanu va siata oku tala kuenda oku koka okuti ocipango ca Suku ci lingiwa palo posi.—Mateo 6:9, 10.
Tu ku vetiya oco o kuame elungulo lia Yesu Kristu lioku amamako “oku lavulula” osimbu ovolandu oluali a tẽlisa ovitumasuku Viembimbiliya. (Marko 13:37) Linga ohenda, oco o lilongisa ovina vikuavo vi lekisa ndomo Embimbiliya li pondola oku ku kuatisa cilo, loku ku ĩha elavoko lia velapo lio kovaso yoloneke, tu sandiliye.
a Asapulo Okaliye, “Unyamo 2022 wa Kala Wusumba Omo Liuyaki wa Tiuka ko Europa.” Ulandu wa lomboluiwa la Jill Lawless, 8 ya Cembaniwa, 2022.
b Esokiyo Lioku Eca Okulia Voluali Luosi, “Ekambo Liokulia Voluali.”
c Ulandu Watiamẽla Kuhayele. Oku Kala Kocitumãlo Cimue Kuli Afengi.—Efengi lio KOVID-19, Uvei u Tunda Kolosima, Ociteyateya Kuenda Uvei X,” ulandu wa lomboluiwa la Lawrence O. Gostin, JD, 22 Yenyenye Linene, 2022.
d Earth.Org, “Nye ci Kasi Konyima Yovolandu a Sumuisa Atiamẽla Kapongoloko Otembo a Pita Kokuenye yunyamo wo 2022?” ulandu wa lomboluiwa la Martina Igini, 24 ya Mbalavipembe , 2022
e Ceci catiamẽla Kombembua Voluali Luosi “Oku livokiya Kuonyeño Yomanu Omo Liocitangi Cekambo Liolombonge, Kua Koka Oku Lingila Ombuanja Olombiali kunyamo 2022,” ulandu wa lomboluiwa la Thomas Carothers kuenda Benjamin Feldman, 8 ya Cembaniwa, 2022.