Ovitangi Viekambo Liolombongo—Ceci Usoma wa Suku u ka Linga

Komanu valua voluali, ka ca lelukile oku sanga eci va litekula laco.

• Ndomo ca lekisiwa vulandu umue woluali,a wa sandekiwa ndopo, “ofeto yolonãlavai vialua ya tepuluiwa.” Esapulo liaco lia amisako ndoco: Nda ocitangi caco ka ca potoluiwile, “ku ka kala oku litepa kualua kuekalo liomuenyo pokati kolohuasi lolohukũi kuenda apata alua a ka tala ohali okuti kosimbu ci sule.”

Olombiali vi ka tẽla hẽ oku potolola ocitangi caco?

Embimbiliya li lekisa okuti kuli ombiali yimue yi pondola oku potolola ovitangi viekambo liolombongo, oku kongelamo oku litepa kuekalo liomuenyo. Olio li popia okuti, “Suku yo kilu o ka tumbika usoma umue” u ka songuila ovina viosi palo posi. (Daniele 2:44) Vemẽhi liuviali waco, lomue o ka ivaliwa. (Osamo 9:18) Omanu vosi va ka kala vemẽhi liusoma wa Suku, va ka kuata ovina va sukila oco va sanjuke. Vosi va ka sanjukila onima yupange wavo.—Isaya 65:21, 22.