Oku Tata Uhayele—Ceci Usoma wa Suku u ka Linga

“Esulilo lio COVID-19 lina lia kapa kohele vocipikipiki uhayele womanu voluali luosi, ka li lomboloka esulilo liuveyi waco wa siata oku saluisa omanu voluali luosi. . . . Tua kũlĩha okuti ku keya vali efengi likuavo kuenda tu sukila oku lipongiya.”—Dr. Tedros Adhanom Ghebreyesus, usongu wa velapo wo Organização Mundial da Saúde, 22 ya Kupemba 2023.

Omanu value va kasi oku amamako oku liyaka lovitangi viuhayele weketimba kuenda wovisimĩlo vina via kokiwa lo COVID-19. Olombiali kuenda ovisoko viuhayele va kasi oku lipongiyila efengi likuavo. Nye ci popia catiamẽla koku liyaka lovitangi vietu muẽle viuhayele?

Embimbiliya li lekisa uviali umue u ka malako ovitangi viuhayele. Olio li popia okuti, “Suku yo kilu o ka tumbika usoma umue,” ale uviali. (Daniele 2:44) Vemẽhi liusoma waco, “layimue onungi yi ka popia yiti: ‘Ndi vela.’” (Isaya 33:24) Omanu vosi va ka kuata uhayele uwa kuenda ongusu.—Yovi 33:25.