Ene wa Siati Oku Lupuisa Omanu Vetavo Liene?

Omanu vana va papatisiwa okuti va linga ale Olombangi Via Yehova kuenje, va liwekapo oku kunda, pole, ka va liwekelepo oku liongolola la vamanji, ka va tundisiwa vekongelo. Ocili okuti, tu linga lavo ukamba, loku seteka oku pamisa ekolelo liavo.

Ka tu tundisa lonjanga vekongelo omunu una o linga ekandu linene. Nda omunu umue Ombangi ya Yehova, pole, amamako oku linga ovina vi li patãla lolonumbi Viembimbiliya okuti ka likekembela akandu aye, o tundisiwa vekongelo. Embimbiliya li popia ndoco: “Tundisi pokati kene omunu waco ukuahole.”—1 Va Korindo 5:13.

Oco hẽ nye ci popiwa kulume una wa tundisiwa vekongelo okuti, ukãi lomãla vaye Olombangi Via Yehova? Elitokeko ketavo lia kala pokati kavo li imũha, pole, amamako oku kala ukuositue wepata. Ocisola a kuetele ohueli kuenda epata liaye, ca amamako.

Omanu va tundisiwa vekongelo ka va lingi vali upange wetu wetavo. Nda va kuete onjongole, akulu vekongelo va eca kokuavo alungulo a pamisa ekolelo liavo. Omanu vaco va kuatisiwa locimãho coku kala vali Olombangi Via Yehova. Omanu vana va tundisiwa okuti noke va lekisa onjongole yoku kapako olonumbi Viembimbiliya, va tambuiwa vali vekongelo.