Umalẽhe umue o tala omanu va kasi oku iñila Vonjango Yusoma

AMALẼHE VA PULA

Momo Lie ca Sungulukila Oku endaenda Kolohongele Vonjango Yusoma?

Olonjanja vivali vosemana, Olombangi Via Yehova via siata oku linga olohongele kovitumãlo viavo viefendelo vi tukuiwa okuti Olonjango Viusoma. Nyi ca siata oku pita kolohongele viaco? Momo lie ci kuetele esilivilo oku kala kolohongele viaco?

Nye ci lingiwa Vonjango Yusoma?

Onjango yusoma ocitumãlo cimue omanu va liongoluila oco va lilongise ndomo Embimbiliya li pondola oku tu kuatisa eteke leteke. Kolohongele vietu ove o pondola:

Oku lilongisa ocili catiamẽla ku Suku.
Oku kũlĩha ovina vi kasi oku koka ovitangi vio koloneke vilo.
Oku kala omunu uwa
Oku sanga akamba vawa.

Wa ci kũlĩha? Ovitumãlo violohongele Violombangi Via Yehova vi tukuiwa Olonjango Viusoma momo Usuma wa Suku ulandu umue u vanguiwamo calua.—Mateo 6:9, 10; 24:14; Luka 4:43.

Momo lie ci kuetele esilivilo oku enda kolohongele viaco?

Eci o ka lilongisamo ci kuete esilivilo lialua. Olonumbi Viembimbilila vi konomuisiwa kolohongele Violombangi Via Yehova, vi ka kuatisa oku “kuata olondunge.” (Olosapo 4:5) Eci ci lomboloka okuti Embimbiliya li pondola oku kuatisa oku nõla olonjila viwa komuenyo. Li pondolavo oku ku kuatisa oku kũlĩha a tambululo a kuete esilivilo komuenyo, ndeci:

Olosapi vikuãimo vimue pokati kolohundo vi lingiwa kolohongele vietu kesulilo lio semana

Momo Lie o Sukilila Oku Songuiwa Lembimbiliya?
Pi o Pondola Oku Sanga Ekuatiso Kotembo Yovitangi?
Nye Usoma wa Suku u Kasi Oku tu Lingila Cilo?

“Eteke limue omunu tu tangela kumosi weya kohongele yimue. Eye wa tumãla kumosi lepata liange kuenda tua eca alivulu etu kokuaye. Noke wa ndi sapuila okuti wa komõha calua atambululo vamanji va eca kohongele. Handi vali wa popia okuti etavo liaye ka likuete ovimalẽho vioku lilongisa ndeci etu.— Brenda.

Wa ci kũlĩha? Ka ku pingiwa olombongo Vonjango Yusoma.

O ka pamisiwa calua. Embimbiliya li popia okuti vimue pokati kovimãho viakristão lioku liongolola oku ‘li pamisa pokati.’ (Va Heveru 10:24, 25) Oku kala lomanu va pitisa kovaso ocipango ca Suku kuenda comanu va kuavo ci ka vuluisa voluali lulo lueyuuka epela.

Noke lieteke ndi yeva ekavo lialua, pole, omanu Vonjango Yusoma olonjanja viosi va ñuatisa oku liyeva ciwa. Eci ndi tiuka konjo, ndi yeva esanju loku li pongiyila eteke likuavo.”—Elisa.

Wa ci kũlĩha? Kuli eci ci pitahãla 120.000 kakongelo Olombangi Via Yehova va liongoluila kueci ci pitahãla 60.000 kolonjango Viusoma voluali luosi. Vocosi cisoka 1500 Kolonjango Viusoma via siata oku tungiwa anyamo osi oco mu liongoluile omanu valua.a

Ceci amalẽhe vakuavo va popia

“Eci nda kala kosikola ekamba limue lio kosikola wa endele lame kolohongele vimue. Eye wa komõha poku mola omanu vakuanyamo osi oku lilongisila pamosi eci catiamẽla Kembimbiliya. Ka papitile otembo yalua, cime cange wa endelevo kohongele yimue kuenda wa sola calua ndomo tu talavaya Lembimbiliya. Eci nda mola ndomo eye a sola olohongele, nda fetika oku vi sola vali calua.”—Jéssica.

“Ame ndi sima okuti oku enda kolohongele ci ndi kuatisa oku liyaka lovitangi la sakalalo. Tu lilongisa ndomo tu kuata esanju liocili, oku kala omanu vawa kuenda ovina vikuavo. Olonjanja viosi nunda Konjango Yusoma, ndi yeva ekavuluko kuenda esanju.”—Timothy.

“Ulume umue nda laleka oku enda kohongele wa popia hati: Ndeya ño oco ndi limbuke nda alongiso ene esanda. Pole, nda limbuka okuti hacoko. Eye wa komõhavo esanju li sangiwa pokati Kolombangi Via Yehova. Eye hati: ‘Ndopo ndo kũlĩhi, pole, vu ndi tati ndo okuti tua li kũlĩha ale osimbu.’”—Jacob.

Kua kala olonjanja vimue nda sima ndoco: “‘Eci ohongele yi pua oco ngenda.’ Pole, vokuenda kuohongele ovisimĩlo viaco via nunda. Eci ohongele ya pua nda fetika oku sapela lomanu kuenda si tẽla oku ivaluka esunga lieci nda yonguilile oku enda. Nda ka ca kaile olohongele nda sia kuatele akamba va komohĩsa.”—Madison.

a Oco o sange onjango yimue yusoma yi kasi ocipepi love tioka ponepa “olohongele Viekongelo Violombangi Via Yehova,” Noke tioka apa pa linga hati “Sanga Ocitumãlo Cimue Ocipepi Lonjo Yove”