Tu Mioñololi Uloño Wetu Kupange Woku Kunda​—‘Kuatisa Omanu va Lekisa Onjongole’ Oco va Linge Olondonge

ESUNGA LIECI CI KUETELE ESILIVILO: Yehova o koka okuti ombuto yocili yi kulila vo vitima viomanu va “sungulukila omuenyo ko pui.” (Ovil. 13:48; 1 Va Kor. 3:7) Tu talavayela kumue laye poku tiamisila utima komanu vana va lekisa onjongole yoku lilongisa Embimbiliya. (1 Va Kor. 9:26) Ovo va sukila oku kuata elomboloko liokuti Ukristão o sukila oku papatisiwa oco a popeliwe. (1 Pet. 3:21) Tu kuatisa omanu vana tu longisa Embimbiliya oco va linge olondonge, poku va kuatisa oku linga apongoloko komuenyo wavo, oku kunda, oku longisa kuenda oku litumbika ku Yehova.—Mat. 28:19, 20.

NDOMO CI LINGIWA:

• Ivaluisa omunu o longisa Embimbiliya okuti ocimãho celilongiso liaye, oku u kuatisa oco ‘a kũlĩhe’ Yehova kuenda oku u sanjuisa.—Yoa. 17:3

• U kuatisa oco a pamise ekolelo liaye poku yuvula ovina vimue ndeci, ovituwa ka via sungulukile kuenda akamba vãvi.

• U pamisa kuenda u vetiya osimbu ka papatisiwile kuenda noke liepapatiso liaye.—Ovil. 14:22

TALA OVIDEO LOSAPI HATI: YEHOVA O KA KU KUATISA KUENDA TAMBULULA APULILO A KUÃIMO:

• Nye ci pondola oku tateka omunu umue oku litumbika kuenda oku papatisiwa?

• Akulu vekongelo va kuatisa ndati vana va lilongisa Embimbiliya oku kula konepa yespiritu?

• Elivulu lia Isaya 41:10 li tu longisa nye catiamẽla ku Yehova?

• Ovituwa vipi vi tu kuatisa oku vumba Yehova lonjila ya sunguluka ndaño ka tua lipuile?