ELILONGISO 17

Longisa Eci ci Lomboloka Komanu

1 Va Korindo 14:9

CECI O SUKILA OKU LINGA: Kuatisa omanu oku kuata elomboloko liesapulo liove.

Lilongisa ulandu wosi. Kuata elomboloko liwa liulandu wove oco o u lombolole lonjila ya leluka kuenda volondaka viove muẽle.
Tukula olondaka vitito haivio via leluka. Tukula olondaka vitito oco o lombolole ciwa atosi a velapo o yongola okuti, omanu va kuata elomboloko liwa.

Yuvula oku vangula ovina ka vi kuete esilivilo oco ku ka tatamise omanu. Nda ohundo yi kuete upopi wa tĩla, yi pitiya volondaka via leluka.
Lombolola olondaka ka via kũlĩhĩwĩle. Yuvula oku popia olondaka ka via kũlĩhĩwĩle lomanu. Nda o yongola oku tukula olondaka ka via kũlĩhĩwĩle ndeci: omanu va tukuiwa Vembimbiliya, olonjongo vio kosimbu, ale ovihilahila, vi lombolola.