ELILONGISO 18

Lombolola Lonjila Okuti Olonjeveleli vi Lilongisilako

1 Va Korindo 9:19-23

CECI O SUKILA OKU LINGA: Vetiya olonjeveleli oku sokolola catiamẽla kocipama, oco vi limbuke okuti via lilongisa ovina vi kuete esilivilo.

Kũlĩhĩsa ovina omanu va kũlĩha ale. Oco ku ka pitulule ovina ovo va yevele ale, va kuatisa oku kuata elomboloko liulandu waco lonjila ya litepa.

Teta onimbu poku lombolola atosi a kũlĩhĩwa ale, pole lombolola levando atosi okaliye.
Linga akonomuiso kuenda sokolola. Olonjanja vimue poku linga ovindekaise vietosi lia velapo, tukula ovina ka via kũlĩhĩwile, ale ovolandu o koloneke vilo. Sokolola lutate catiamẽla kelitokeko onepa yove yi kuete lovolandu wa sokiya oku tukula.

Osimbu o konomuisa ulandu, sokolola loku lipula ndoco: ‘Nye, momo lie, otembo yipi, pi, helie kuenda ndamupi.’ Longisa lonjila yi vetiya poku linga apulilo loku a tambulula vokuenda kuohundo yove.
Lekisa esilivilo liesapulo liove. Lombolola ndomo Ovisonehua vi pondola oku kuatisa olonjeveleli komuenyo wavo weteke leteke. Tukula ocitangi cimue, ovituwa kuenda ovilinga vi kuete esilivilo kolonjeveleli viove.