APULILO EMBIMBILIYA A TAMBULUIWA
Momo lie tu sukilila oku ivaluka olofa via Yesu?
Olofa via yesu vi eca elavoko lipi?—Isaiah 25:8; 33:24
Olofa via Yesu via linga ocipito—cimue ci kuete esilivilo. Eye wa fa oco a tumbulule omuenyo womanu. Omunu ka lulikiwile lonjongole yoku linga ovina vĩvi, oku vela ale oku fa. (Efetikilo 1:31) Pole, ekandu lia iñila voluali omo liulume watete, Adama. Yesu wa eca omuenyo waye oco a tu yovole kekandu kuenda koku fa.—Tanga Mateo 20:28; Va Roma 6:23.
Suku wa lekisa ocisola ca piãla poku tuma omõlaye palo posi oco a tu file. (1 Yoano 4:9, 10) Yesu wa sapuila olondonge viaye oco va ivaluke olofa viaye, poku linga ocipito cimue mua kongela ombolo lovinyu. Poku ci linga unyamo lunyamo, tu lekisa olopandu kocisola Suku la Yesu va lekisa kokuetu.—Tanga Luka 22:19, 20.
Helie o kuete omoko yoku lia kombolo loku nyua kovinyu?
Eci Yesu a sapuila olondonge viaye oco va ivaluke olofa viaye, eye wa popia eci catiamẽla kocisila cimue. (Mateo 26:26-28) Eci ca yulula onjila kokuavo kuenda ketendelo litito likuavo oco va linge olosoma kuenda ovitunda kumosi laye kilu. Ndaño okuti omanu valua va linga ocipito conjivaluko yolofa via Yesu, pole vana va kuete onepa kocisila caco, ovo lika va lia kombolo loku nyua kovinyu.—Tanga Esituluilo 5:10.
Ci panda 2.000 kanyamo, Yehova wa siata oku nõla vana va ka linga olosoma. (Luka 12:32) Etendelo liavo litito kuenda ka li sokisiwa la vana va ka kala palo posi otembo ka yi pui.—Tanga Esituluilo 7:4, 9, 17.