Obo ra sa Vwọ Reyọ Ọmọbe Nana Vwo Ruiruo

Vwẹ aruẹbe re vwọ kpahen ọnana, wọ cha mrẹ ẹkpo ri Baibol vẹ oborẹ ukoko ta kpahọn vwẹ ẹdẹ ọvuọvo. Dede nẹ e se se ẹkpo ri Baibol na vẹ oborẹ ukoko ta kpahọn vwẹ ọke ro je ohwo, ihwo buebun niro nẹ urhiọke yen me shephiyọ kẹ ayen, kidie ọ cha nẹrhẹ ayen roro kpahen ẹkpo na vwẹ ọsoso ẹdẹ na. Orua na eje de chidia fuẹrẹn kugbe, ọyen me yovwin. Erua rẹ Bẹtẹl vwẹ akpọneje fuẹrẹn vwẹ ọke rẹ emuọre rẹ urhiọke.

A reyọ oborẹ ukoko ta kpahen ẹkpo ri Baibol na vwo nẹ Uwevwin Orhẹrẹ (w) rẹ April 2018 fiẹ March 2019. Ukeri ro nene uyono rẹ Uwevwin Orhẹrẹ na mudiaphiyọ aruọbe ra da sa mrẹ eta na se. (Ni udje rọhẹ obotọ na.) A sa mrẹ evuẹ efa ri shekpahen obo ra ta na vwẹ uyovwinrota na komobọ.