Deuteronómio

3 Lu el te ga insegnà a esser ùmile, el te ga assà patir la fame e el te ga dato de magnar col manà, che gnanca ti e gnanca i to antenati cognossei. Cossita el te ga insegnà che el omo no’l vive sol de pan, ma de cada parola che la vien dela boca de Geovà. 7 Parché Geovà, el to Dio, el te fà ndar rento una tera bona, ndove ghen’è aqua fresca, dele fontane e dele nassente che i scomìnsia nel piano e nele montagne. 17 Se ti te disi nel to cuor: ‘L’è stà el me poder e la forsa dele me man che i me ga fato restar sior’, 18 te ghè de ricordarte che l’è stà Geovà, el to Dio, che el te ga dato el poder par imuciar soldi. Parché el ga rispetà el acordo e el giuramento che el ga fato coi to antenati, come te pol veder ancoi.