Levìtico

10 “‘Se qualchedun dela casa de Israel o qualche straniero che l’è de star intrà de valtri el magna del sangue de una béstia o de una persona, sicuro che mi sarò contra quel che el magna el sangue. Mi vao finirlo fora de in meso del so pòpolo. 11 Parché la vita de una bèstia o de una persona la ze nel sangue. Son stà mi che lo go dato a valtri, cossita valtri podé gaver el perdon dei vostri pecati nel altar. Parché la vita che la ze nel sangue la dà el perdon dei pecati. 13 “‘Se un israelita o un straniero che el vive intrà de valtri l’è drio cassar e el ciapa un animal selvàgio o un osel che se pol magnar, lu el ga de spander el sangue par tera e querzerlo cola polver. 14 La vita de tute le creature la ze el so sangue, parché la vita la ze nel sangue. Parché mi go dito ai israeliti: “No stè magnar el sangue de gnanca un tipo de carne, parché la vita tuti i tipi de carne la ze el so sangue. Chi che lo magna el sarà morto.”