Che bone notìssie Dio el ga par ti?

1. Che bone notìssie le ze queste?

Dio el vol che le persone le sìpia felice. Par amor, Dio el ga creà la tera e tuto quel che ghen’è sora ela. Dio el finirà con tuto quel che causa el sofrimento e el darà una vita maraveiosa par tuti. — Ledi Jeremias 29:11.

Gnanca un governo l’è stà bon de finir cola violensa, cole malatie e cola morte. Nantra bona notìssia la ze che presto Dio ndarà meter el so governo ntel posto de tuti i governi umani. Quando Dio el farà questo, tute le persone le gavarà pace e bona salute. — Ledi Isaías 25:8; 33:24; Daniel 2:44.

2. Parché che gavemo tanto de bisogno de bone notìssie?

Parché semo drio sofrir tanto. El sofrimento ndarà finirse sol quando Dio el finirà cole persone rugne. (Sofonias 2:3) Quando Lu el farà questo? Presto. La Bìblia la ga profetisà che sucederia tante cose rugne vanti de rivar questo di. Ancoi l’è drio suceder tute ste cose. Par quela che semo sicuri che sto di l’è darente. — Ledi 2 Timóteo 3:1-5.

3. Cossa che gavemo de far?

Gavemo de studiar la Bìblia. Dio el ne ama e el ga dato la Bìblia par insegnar a noantri. Ntela Bìblia, Dio el dise come gaver una vita meio adesso e cossa far par viver par sempre. Tuti noantri volemo viver par sempre, mia vera? Alora, continua studiar la Bìblia anca se arquanti i te dise par assar de studiarla. — Ledi Provérbios 29:25; Apocalipse 14:6, 7.a