Chi che l’è Dio?

1. Parché che gavemo de adorar a Dio?

Gavemo de adorar a Dio parché Lu el ga creà tute le cose e el ne ga dato la vita. Lu no’l ga bio scomìnsio e mai el gavarà fin. (Salmo 90:2) Lu el ga dato a noantri le bone notìssie che catemo ntela Bìblia. — 1 Timóteo 1:11. — Ledi Apocalipse 4:11.

2. Che tipo de persona l’è Dio?

Noantri no podemo veder a Dio parché Lu l’è Spìrito e l’è de star ntel cielo. (João 1:18; 4:24) Ma podemo cognosser che tipo de persona Lu l’è par meso dela so creassion. Par esémpio, Lu el ga creà tanti tipi de fruti e fiori. Questo el mostra che Lu l’è amoroso e inteligente. Quando vardemo le stele, el Sol e la Tera, vedemo che Lu el ga tanto poder. — Ledi Romanos 1:20.

Anca podemo imparar de pi sora Dio ledendo la Bìblia. Ela la dise quel che Dio el ghe piase e no’l ghe piase e come che Lu el trata le persone. — Ledi Salmo 103:7-10.

3. Dio el ga un nome?

Sì, Dio el ga un nome. Gesù el ga dito: “Pare Nostro che te sì ntei cieli, santificà sìpia el to nome.” (Mateus 6:9) In cada léngua el nome de Dio l’è pronunsià de una maniera diferente. In talian l’è pi comun ciamarlo de “Geovà”. Parole come Dio e Signor no i ze mia nomi. — Ledi Salmo 83:18.

Quando la Bìblia la ze stata scrita, ghen’era ntela Bìblia el nome de Dio de pi de 7 mila volte. El nome de Dio l’è tanto importante che Gesù el parlea de sto nome ale persone. Ma col tempo, arquanti i ga cavà via dela Bìblia el nome Geovà e i ga metesto Signor o Dio ntel so posto. — Ledi João 17:26.

Varda el vìdeo Dio el ga un nome?

4. Sarà che Dio el se importa con noantri?

Ancoi le persone le ze drio sofrir pròpio tanto. Arquanti i dise che Dio l’è drio provar noantri par meso del sofrimento e che no’l se importa con noantri. Ma questa la ze una busia. — Ledi Tiago 1:13.

Dio el ga dato ale persone la libertà de far le so dessision. L’è bon gaver questa libertà de scòlier. (Josué 24:15) Ma tante persone le dopera questa libertà par far cose rugne, par quela che ghen’è tanto sofrimento. Geovà el resta disgustà quando el vede queste ingiustìssie. — Ledi Gênesis 6:5, 6.

Geovà el se importa con noantri. Lu el vol che gavemo una vita felice. Dio ndarà finir col sofrimento e anca cole persone che le fà cose rugne. Ma intanto, le persone le ze ancora drio sofrir. Ntela lession 8, ndaremo imparar sora questo. — Ledi 2 Pedro 2:9; 3:7, 13.

5. Cossa che gavemo de far par esser amighi de Dio?

Par esser amighi de Dio, gavemo de pregar. Geovà el vol esser nostro amigo. Lu el vol saver quel che pensemo. (Salmo 65:2; 145:18) Nantra cosa che gavemo de far l’è sforsarse par far quel che l’è giusto. Anca se semo imperfeti, podemo esser amighi de Geovà parché Lu el perdona noantri. — Ledi Salmo 103:12-14; Tiago 4:8.

Gavemo de amar a Geovà de pi che qualche altra persona. (Marcos 12:30) Come che ti te pol mostrar che te ami a Dio? Imparando de pi sora Lu e fando quel che Lu el domanda. Cossita, ti te resti cada volta de pi amigo de Dio. — Ledi 1 Timóteo 2:4; 1 João 5:3.