Come scominsiar una ciàcola coi foieti

De genaro de 2018, nela prima pàgina dela Programassion par la Riunion Vivemo e Insegnemo podemo veder arquante idee de come podemo scominsiar una ciàcola nela predicassion. Noantri semo insentivadi a parlar cole persone, e nò sol assar publicassion con lore. Par giutar i predicadori a far questo, i vìdei dele Idee par parlar sora la Bìblia ne insegna come che noantri podemo scominsiar una ciàcola doperando sol la Bìblia. Ma sarà che questo vol dir che noantri no ghemo de doperar publicassion nela predicassion? Nò. Par esémpio, i nostri foieti i pol giutarne tanto a scominsiar una ciàcola. Podemo doperarli cossita:

1. Fà la domanda che la ze nela prima pàgina del foieto.

2. Mostra ala persona la risposta dela Bìblia doperando el testo bìblico che l’è rento del foieto. Se la persona la ga tempo, ti te pol anca leder e parlar sora arquanti punti che i ze nel foieto.

3. Daghe el foieto ala persona e insentiva la persona a leder tuto el foieto quando che ghe par meio.

4. Vanti de ndar via, mostra ala persona la domanda nela parte “Pénseghe sora” che ghen’è nela ùltima pàgina, e dighe che te vè ritornar par mostrar la risposta che ghen’è rento dela Bìblia.

Quando che te torni, rispondi ala domanda che te ghè fato e fà nantra domanda par risponder nela pròssima volta. Te pol scòlier una domanda che ghen’è nel site jw.org o far una domanda dela publicassion che la ze nela ùltima pàgina del foieto. Quando te ghè oportunità, presenta la revista Bone Notìssie de Dio par Ti! o nantra dele publicassion de Prinsipai publicassion e vìdei par insegnar.