VIVEMO COME GESÙ

Sito parecià par infrontar dificoltà econòmiche?

Semo drio viver nei ùltimi giorni e tante robe brute sucede nel mondo. Alora, no l’è de maraveiarse che vegna fora dificoltà econòmiche in tanti paesi. Ma la Bìblia la dise che no ghemo de ver speransa nele “richesse che le pol finirse suito”. (1 Tim. 6:17; 2 Tim. 3:1) Cossa che podemo imparar del rè Geosafà sora esser parecià par infrontar dificoltà econòmiche?

Quando i nemighi del rè Geosafà i lo ga minassà, lu el se ga fidà in Geovà. (2 Cró. 20:9-12) Geosafà anca el ga parecià la nassion prima. Lu el ga fato arquante robe par proteger la cità e el ga trenà soldadi par esser pronti par la batàlia. (2 Cró. 17:1, 2, 12, 13) Compagno Geosafà, ghemo de fidarse in Geovà e esser pareciadi par infrontar dificoltà.

COME CHE PODEMO PARECIARSE PAR INFRONTAR DIFICOLTÀ ECONÒMICHE?

Fà pi forte la to amicìssia con Geovà: Impara a star contento con quel che te ghè e fìdate ancora de pi che Geovà sempre el te darà quel che te ghè de bisogno par cada giorno. (Mat. 6:26; 1 Tim. 6:8) Gàpia in mente de mai desobedir i consili dela Bìblia par gaver quel che te ocore par viver. (Rom. 2:21) Pensa in come te podarissi seitar a leder la Bìblia o le publicassion anca se te resti sensa luce e sensa internet. Gàpia arquante publicassion stampade e, se te pol, sbassa arquante publicassion in formato eletrònico prima.

Paréciate in senso material: Vanti che vegna fora dificoltà econòmiche, proa pagar quel che te pol dei to dèbiti e no stà guastar soldi in quel che no te ocore mia. (Pro. 22:7) Se te pol, meti via un pochetin de pi de magnar casa e altre robe che te ghè de bisogno. Fursi te pol anca far un orto par sparagnar soldi.

VARDA EL VÌDEO SITO PARECIÀ SE SUCEDE UNA DESGRÀSSIA?, E DOPO RISPONDI A QUESTE DOMANDE:

Una parte del vìdeo “Sito parecià se sucede una desgràssia?” Ilustrassion che mostra una Bìblia, una maletina e un selular, e laoradori nte una costrussion.

Cossa che cada un de noantri el pol far par pareciarse par una desgràssia?

La to risposta:

Una parte del vìdeo “Sito parecià se sucede una desgràssia?” Fradei i giuta quei che i ga passà par una desgràssia con laoro de costrussion e scargando material.

Come che podemo esser pronti par giutar i altri?

La to risposta: