VIVEMO COME GESÙ
Fìdate in Geovà quando i te fà bullying
Arquante persone le fà bullying coi altri. Lore le pol farne mal de maniera fìsica e anca assarne tanto tristi. Dele volte, le pol anca ndar contra la nostra adorassion a Geovà. E se restemo spauradi, la nostra amicìssia con Geova la pol restar pi fiaca. Come che podemo protegerse contra queste persone?
Tanti servi de Geovà i ze stati boni de infrontar situassion come queste fidandose in lu. (Sal. 18:17) Un bel esémpio l’è stà Ester che la ga parlà al rè le brute robe che Aman el volea far. (Est. 7:1-6) Ma vanti ela la ga fato gegiun par mostrar che la se fidea in Geovà. (Est. 4:14-16) Par quela, Geovà la ga benedio e el ga protegesto ela e el so pòpolo.
Anca a ti te toca infrontar questo tipo de persone? Alora, domanda aiuto a Geovà e parla con qualchedun pi speriente come el to pupà o la to mama. Te pol esser sicuro che Geovà el va giutarte come el ga fato con Ester. Che altre robe te pol far par darghene fora col bullying?
VARDA EL VÌDEO VITA DE TOSI — COME INFRONTAR EL BULLYING?, E DOPO RISPONDI A QUESTE DOMANDE:
Cossa che i gióveni i pol imparar del esémpio de Charlie e Ferin?
Cossa che i genitori i pol imparar de quel che Charlie e Ferin i ga dito?