VIVEMO COME GESÙ

Giuta quei che no i ze religiosi o che no i crede in Dio

Te te ghè belche tirà indrio de predicar a una persona nò religiosa parché te pensei che no la ndaria scoltarte? Ricordate che persone che no le gavea religion e quele che no le credea in Dio le ze belche deventade Testimònie de Geovà. Pol esser che sol le gavea bisogno de qualchedun par spiegarghe che ghen’è Dio. — Rom. 1:20; 10:14

VARDA EL VÌDEO RICÒRDATE CHE LE PERSONE LE POL SCOMINSIAR A GAVER FEDE! — PERSONE NÒ RELIGIOSE, E DOPO RISPONDI A QUESTA DOMANDA:

Come che la speriensa de Tommaso pol giutarte a esser positivo quando te ghè de predicar a persone nò religiose?

La to risposta

Come che te pol farlo

Se una persona la te dise che no la crede mia in Dio, sìpia bondoso con ela. Mostra interesse in quel che la pensa e come la se sente sora el assunto. (2 Tim. 2:24) Parla de robe che ghe piase ala persona. Sarà che la ze interessada in scoltar le prove che ga giutà tanti a scominsiar a creder nel Creador? Alora, dopera le publicassion e vìdei che i ze stati fati par quel tanto. Adesso le reviste A Vida — Teve um Criador? e A Origem da Vida — Cinco Perguntas Que Merecem Resposta le ze nele Prinsipai publicassion e vìdei par insegnar. Cossita, te pol catarle pi fàcile.

Pol esser che te ghè un pochetin de paura de parlar dela verità con una persona che no la crede mia in Dio. Alora, domanda aiuto a un predicador pi speriente. Ricordate che Geovà el pol giutarte a catar quei che i ze sinsieri stesso che nel scomìnsio lori no i crede in lu. — Ati 13:48