29 DE SETEMBRE–5 DE OTOBRE
ECLESIASTI 3-4
Càntico 93 e orassion | Cossa che ndaremo imparar ancoi? (1 min)
Passé tempo insieme e con Geovà
1. Fé pi forte el vostro matrimònio
(10 min)
Toleve el tempo par parlarse. (Ecl. 3:1; Ajuda para a Família artìcolo 10 paràg. 2-8)
Fé le robe insieme. (Ecl. 4:9; Sentinela 05/23 pàg. 23-24 paràg. 12-14)
Fé pi forte la vostra amicìssia con Geovà. (Ecl. 4:12; Sentinela 05/23 pàg. 21 paràg. 3)
DOMANDATE: ‘Cossa podaria suceder col nostro matrimònio se restemo massa tempo distanti un del altro, fursi par causa del laoro o parché ndemo de fèrie spartidi?’
2. Va in serca de lession pressiose dela Bìblia
(10 min)
Ecl. 3:8 — Quando che no saria “tempo par amar”? (Perspicaz “Amor”, paràg. 39)
Che lession pressiose te ghè imparà nela letura de questa stimana?
3. Letura
4. Come scominsiar a parlar cola persona
(3 min) DE CASA IN CASA. Dopera la Sentinela n.º 1 de 2025 par scominsiar a parlar cola persona. Càmbia quel che te vè parlar quando la persona la dimostra interesse in nantro assunto. (Ama le persone lession 2 punto 5)
5. Come seitar a parlar cola persona
(4 min) PREDICASSION INFORMAL. Domanda a una persona che la ga acetà una Sentinela n.º 1 de 2025 se la vol studiar la Bìblia. (Ama le persone lession 9 punto 4)
6. Discorso
(5 min) Ama le persone Par imparar de pi (A) punto 12 — Tema: Dio no’l fà difarensa intrà le persone. (Sfòrsate lession 19)
Càntico 131
7. Quando vien fora problemi nel matrimònio, tegneve darente de Geovà
(15 min) Discorso con arquante domande.
Geovà el ga dato ai maridadi tuto quel che lori i ghe ocore par gaver un matrimònio felice. Ancora cossita, pol esser che dele volte i infronte dificoltà. (1 Cor. 7:28) Ma se lori no i cata una solussion par i so problemi, pol esser che i reste tanto disgustadi che i pensa in spartirse. Cossa che podé far se valtri sì drio infrontar una situassion cossita?
El vìdeo Cossa che l’è el vero amor? mostra la stòria de due gióveni maridadi che i era drio infrontar bruti problemi. Che consìlio el pare de Megan ghe ga dato quando ela la volea far una dessision sensa pensarghe sora la volontà de Geovà?
Mostra el VÌDEO Cossa che l’è el vero amor? — Parte. Dopo fà la domanda:
Parché ghemo de fidarse nela orientassion de Geovà quando semo drio infrontar problemi nel matrimònio? — Isa. 48:17; Mat. 19:6
Se te sì drio infrontar problemi nel matrimònio, tegnete darente de Geovà. Seita a pregar, ndar ale riunion, leder e studiar la Bìblia e predicar. Sfòrsate par doperar i consili dela Bìblia par risolver i problemi. Anca, te pol far peschise nele publicassion par saver come che Geovà el se sente sora la to situassion e cossa che lu el vol che te fae. Cossita, te mostri a Geovà che te vol el so aiuto e le so benedission. — Pro. 10:22; Isa. 41:10
Mostra el VÌDEO No stà assar la falsa pace imbroiarte! — Darrel e Deborah Freisinger. Dopo, fà la domanda:
Cossa che te ghè imparà de Darrel e Deborah sora come darghene fora con problemi nel matrimònio?