Pénsaghe sora quel che te ghè imparà

Ga belche sucedesto con ti de far fadiga ricordarte quel che te gavei pena studià? Sucede con tuti una volta o nantra. Alora, cossa che pol giutarne? Pensarghe sora i punti prinsipai.

Quando te studi, proa fermarte un pochetin par pensarghe sora quel che te ghè imparà. El apòstolo Paolo el ga insentivà a far cossita nte una carta che el ga scrito: “Questa la ze la roba pi importante”. (Ebr. 8:1) Con queste parole, lu el ga giutà quei che i lo scoltea a ricordarse de quel che el ga dito e a capir quel che l’era pi importante.

Te pol doperar un tempo nel fin del to stùdio par pensarghe sora i punti prinsipai de quel che te ghè studià. Par esémpio, proa torte 10 minuti par far questo. Se no te sì bon de ricordarte, proa vardar nantra volta i sototìtoli o le prime frase del paràgrafo. Se te ghè capio qualcossa de novo, proa spiegarghe a qualchedun cole to parole. Quando te ghe pensi sora i punti prinsipai, te sarè bon de ricordarte quel che te ghè imparà e anca capir come questo pol giutarte nela to vita.