Dio el ga creà el Diaol?

La risposta dela Bìblia

La Bìblia la mostra che Dio no’l ga mia creà el Diaol. Lu el ga creà la persona che la ze deventada el Diaol. La Bìblia la dise sora Dio: “Perfeto l’è tuto quel che lu el fà, parché tute le so strade le ze giuste. Dio de fidelità, che mai l’è ingiusto. Lu l’è drito e giusto”. (Deuteronómio 32:3-5) Questo testo el ne fà capir che, una volta, el Diaol l’era un àngelo perfeto e giusto, un dei fioi de Dio.

In Gioani 8:44, Gesù el ga dito che el Diaol “no’l se ga mantegnesto nela verità”. Cossita, capimo che Sàtana una volta l’era dela banda dela verità e sensa pecato.

Ma, compagno a tuti i altri àngeli e a tuti i umani che Geovà el ga creà, el àngelo che l’è deventà Sàtana el gavea la libertà par scòlier far quel che l’è giusto o sbalià. Quando el ga scoliesto ndar contra Dio e el ga influensà Adon e Eva a far compagno, lu l’è deventà Sàtana, che vol dir “Opositor”. — Génesi 3:1-5; Apocalisse 12:9.