Cossa che la Bìblia la dise sora tatuage?

Cossa che la Bìblia la dise?

Nela Bìblia, catemo sol un testo che el parla de tatuage. Dio el ga dito ai israeliti: ‘No sté far tatuage.’ (Levìtico 19:28) Cossita, i israeliti i mostrea che i era difarenti dele persone de altre nassion che le marchea la pel coi nomi e disegni dei so dèi. (Deuteronómio 14:2) L’è vera che i servi de Dio ancoi no i ga pi de obedir ala Lege che lu el ga dato ai israeliti. Magari, l’è tanto importante cognosser arquanti dei prinsipi dela Bìblia vanti de far una dessision.

Sarà che un servo de Dio el pol far una tatuage?

Varda un per de testi dela Bìblia che pol giutar:

• “Le done le ga de vestirse de maniera modesta.” (1 Timòteo 2:9) Nò sol le done, ma tuti noantri ghemo de rangiarse polito. Ne ocore gaver rispeto par quel che i altri i pensa e mai farse veder.

• Tante persone le fà tatuage par mostrar chi che le ze o par mostrar che le fà quel che le vol col so corpo. Ma, la Bìblia la dise: “Presenté el vostro corpo come un sacrifìssio vivo, santo e che ghe piase a Dio. Cossita, ndaré pensar con tanta atension come sì drio adorarlo.” (Romani 12:1) Par quela, ghemo de pensar parché che volemo far una tatuage. Fursi l’è sol parché tanti i ze drio farle, o parché volemo far parte de un grupo. Magari, ne ocore ricordarse che, dopo de farle, podaremo cambiar de idea e no ghen sarà pi come cavarle via. Alora, pensar parché te vol far una tatuage te giutarà a far una bona dessision. — Proverbi 4:7.

• “L’è sicuro che i progeti de quei che pensa ben vanti i gavarà boni resultadi. Ma quei che i ga sempre prèssia i restarà poareti.” (Proverbi 21:5) Tante volte, quei che i fà tatuage no i pensa tanto vanti de farla. Ma, dopo i se nicorde che tante persone no ghe piase quei che i ga tatuage e pol esser fin fadiga catar un laoro. Anca ghen’è studi che i mostra che tanti de quei che i ga fato tatuage i se ga ciamà grami e i ze ndati in serca de cavarle via. Magari, ghe costa tanto e ghe fà tanto mal.