LESSION 10
Quala che la ze la vera religion?
1. Sarà che ghen’è sol una vera religion?
“Sté atenti ai falsi profeti.”— MATEUS 7:15.
Sì. La vera religion la ze quela che Gesù el ga insegnà. Lu el ga dito che ela la ze come una strada. Pochi i la cataria, ma quei che i caminasse in questa strada i podaria viver par sempre. (Mateus 7:14) Chi che vol gaver la aprovassion de Dio el ga de far quel che la Bìblia la dise. Par quela, i veri adoradori i crede ntela medèsima cosa e i ze ntela medèsima religion. — Ledi João 4:23, 24; 14:6; Efésios 4:4, 5.
Varda el vídeo Tute le religion le ze bone par Dio?
2. Sarà che tute le religion le insegna la verità?
“Lori i dise che i cognosse a Dio, ma no i fà quel che Lu el vol.”— TITO 1:16.
Nò. Gesù el ga parlà de falsi profeti che i insegna busie. Lori i fà finta esser veri adoradori e i dise seghir Gesù. Ma come che se pol saver se questo l’è vero o nò? Gavemo de veder se lori i ze drio far quel che Gesù el ga dito. — Ledi Mateus 7:13-23.
3. Come che te pol saver quala ze la vera religion?
Vedemo sinque cose che le persone dela vera religion le fà:
Le crede che la Bìblia la ze la Parola de Dio. Le persone dela vera religion le se sforsa par seghir i consili dela Bìblia. Tante religion le seghe règole che i òmini i ga inventà. (Mateus 15:7-9) Chi che seghe la vera religion insegna e fà quel che la Bìblia la dise. — Ledi João 17:17; 2 Timóteo 3:16, 17.
Le dopera e le insegna el nome de Dio, Geovà. Gesù el gavea rispeto par el nome de Dio e el mostrea che questo nome l’era tanto importante. Lu el ga insegnà sora Dio e, ntela orassion del Pare Nostro, lu el ga dito: “Santificà sìpia el to nome.” (Mateus 6:9) Cognóssito qualche religion che la insegna el nome de Geovà par le persone? — Ledi João 17:26; Romanos 10:13, 14.
Le predica sora el Regno de Dio. Gesù el ga insegnà sora le bele cose che el Regno de Dio el farà. Questo Regno l’è la ùnica speransa par i nostri problemi. Gesù el ga parlà sora questo fin el di dela so morte. (Lucas 4:43; 8:1; 23:42, 43) Lu el ga mandà i so seghidori predicar sora questo Regno. Che religion la fà questo ancoi? — Ledi Mateus 24:14.
No le fà parte de questo mondo soto el poder de Sàtana. Le persone dela vera religion no le partissipa ntela polìtica gnanca in protesti e confliti sossiai. (João 17:16; 18:36) Gnanca le fà le cose sbaliade che vedemo ntel mondo. — Ledi Tiago 4:4.
Le ama tanto una al altra. Quei che i fà parte dela vera religion i ga imparà ntela Bìblia a rispetar tute le persone. Le religion false tante volte le apoia le guere, ma chi fà parte dela vera religion no’l fà questo. (Miqueias 4:1-3) I veri cristiani i dopera el so tempo e i so ricorsi par giutar le persone. — Ledi João 13:34, 35; 1 João 4:20.
4. Sito bon de dir quala ze la vera religion?
Che religion la seghe la Bìblia e la dopera el nome de Dio? Che religion la predica che el Regno de Dio l’è la ùnica solussion dei nostri problemi? Chi che le ze le persone che le se ama una al altra e no le partissipa ntele guere? Sito bon de dirlo? — Ledi 1 João 3:10-12.