Cossa che sucederà cole religion?

1. Sarà che tute le religion le ze bone?

In tute le religion ghen’è persone che le vol contentar a Dio. Dio el se importa con queste persone. Ma le religion le fà tante cose rugne. (2 Coríntios 4:3, 4; 11:13-15) De acordo cole notìssie, arquante religion le partissipa del terorismo e dele guere. Tante volte scoltemo che preti, pastori e altri lìderi religiosi i abusa dei toseti. Le persone che le ama a Dio le resta tanto disgustade con tute queste cose! — Ledi Mateus 24:3-5, 11, 12.

Le religion false anca le insegna busie sora Dio e sora quel che sucede coi morti. La ze una granda mancansa de rispeto contra Dio. Geovà el vol che le persone le cognossa la verità. La vera religion la insegna quel che la Bìblia la dise. — Ledi Eclesiastes 9:5, 10; 1 Timóteo 2:3-5.

2. Cossa che sucederà cole religion?

Presto Dio el finirà fora cole religion che le ingana le persone. Dio el vede tuto quel che le religion le ze drio far. Alora, no stà mia preocuparte. Dio no’l aceta la religion che la dise che lo ama ma fà quel che Lu no’l ghe piase. (Tiago 4:4) La Bìblia la ciama tute le religion false de “Babilònia, la Granda” e la dise che la sarà finia fora. Babilònia l’era una antiga cità dei di de Noè. L’è stà là che ga scominsià la religion falsa dopo del Dilùvio. — Ledi Apocalipse 17:1, 2, 5, 16, 17; 18:8.

Cossa che sucederà cole persone che le vol far la volontà de Dio ma che le ze ancora ntela religion falsa? Geovà no’l se desméntega de lore. Lu l’è drio darghe la oportunità de imparar quel che la Bìblia la dise e vegner fora dela religion falsa. — Ledi Miqueias 4:2, 5.

3. Cossa che le persone che le ama a Dio le ga de far?

Geovà el ga dito che le persone che le ama la verità le ga de vegner fora dela religion falsa. Lu el se importa tanto con tute queste persone. Quei che i ama a Dio i fà quel che Lu el dise. — Ledi Apocalipse 18:4.

Ntel passà, tanti i ga imparà le bone notìssie de Dio che i apòstoli i insegnea. Lori i ga imparà a viver dela maniera che Geovà el ghe piase e le ga una maraveiosa speransa par el futuro. Podemo far compagno lori. Obedir a Geovà el ga de esser la cosa pi importante ntela nostra vita. — Ledi 1 Tessalonicenses 1:8, 9; 2:13.

Geovà el vol pròpio tanto che le persone le vegna fora dela religion falsa e le fassa parte dela so amorosa fameia. Se te fè questo, ti te sarè amigo de Dio, te ndarè far parte del so pòpolo e te viverè par sempre. — Ledi Marcos 10:29, 30; 2 Coríntios 6:17, 18.

4. Che bona notìssia Dio el ga par tute le persone?

La bona notìssia la ze che le religion false le sarà finide fora. Alora le persone le sarà lìbere. Nissuni pi sarà inganà. Tuti i adorarà al ùnico vero Dio dela maniera che Lu el vol. — Ledi Apocalipse 18:20, 21; 21:3, 4.