Cossa che te cati dela Bìblia?

COSSA CHE LA BÌBLIA LA DISE

‘Tuta la Scritura la è inspirada par Dio.’ — 2 Timóteo 3:16, Tradução do Novo Mundo.

PARCHÉ LʼÈ BON SAVER STE COSE

La Bìblia la te da. . .

risposte giuste ale domande pi importante dela vita.​— Provérbios 2:1-5.

parole che te insegna come viver meio.​— Salmo 119:105.

una speransa sicura par el futuro.​— Romanos 15:4.

SE POL PRÒPIO CREDER IN QUEL CHE LA BÌBLIA LA DISE?

Si, al manco par tre motivi:

• La Bìblia la ze de acordo del scomìnsio al fin. Ga metesto 1.600 ani par la Bìblia esser scrivesta. Intorno de 40 persone i la ga scrivesto e pochi de questi i se ga cognossesto. Ancora cossita, tuta la Bìblia la ze de acordo e la ga una sol idea del scomìnsio al fin.

• Stòrie oneste. Quei che scrive la stòria i ga el costume de sconder i soi sbalii e dele ­persone dela soa nassion. Ma quei che ga scrivesto la Bìblia, i ga recognossesto i soi sbalii e dele altre persone dela soa nassion. — 2 Crônicas 36:15, 16; Salmo 51:1-4.

• Professie che se pol fidarse. De pi de 700 ani vanti de nasser el Messia che Geovà gavea prometesto, la Bìblia belche la disea che sto Messia ndaria nasser ntela pìcola cità de Belém, nela tera de Judá. (Miquéias 5:2) Ndove che lu lʼè nassesto? Giusto in quela pìcola cità! — Mateus 2:1-6.

  Tante altre professie le ga sucedesto come che la Bìblia la gavea dito. Ma lʼè cossita che gavaria de esser la Parola de Dio, no lʼè mia vera? — 2 Pedro 1:21.