LESSION 15

Come parlar con convinsion

1 Tessalonissensi 1:5

COSSA CHE TE GHÈ DE FAR: Mostra che ti te credi pròpio in quel che te sì drio dir e che l’è importante.

Paréciate ben. Stùdia ben le informassion fin capir le idee prinsipai e come che la Bìblia la apoia queste idee. Spiega i punti prinsipai con poche e sémplisse parole. Pensa come che queste informassion le giutarà quei che i te scolta. Domanda a Geovà el so spìrito santo.

Trena in voce alta cossita te sarè bon de parlar con convinsion.
Dopera parole che le mostra convinsion. Invesse de dir parola par parola quel che l’è stà scrito, dopera le to parole. Scoli parole e spression che le dimostra che te credi pròpio in quel che te sì drio dir.
Sìpia sinsiero e parla de cuor. Parla col volume de voce giusto. Varda nei oci de quei che i te scolta.

Parlar con convinsion no vol dir esser maleducà gnanca obrigar le persone a acetar quel che te disi. Sempre parla con amor e bontà.