Giuta la congregassion a seitar unida

Una volta, Davi el ga dito: “Varda che bon che l’è e come fà ben quando i fradei i vivi insieme e i ze intesi!” (Salmo 133:1) Anca noantri se sentimo come Davi ancoi. Ma sol ghen’è union intrà de noantri parché tuti femo sforso par esser intesi.

1. Che bela roba sucede intrà i servi de Geovà in tuto el mondo?

Se te sì belche ndato vardar una riunion in nantro paese, fursi no te sì stà bon de capir tanto ben la léngua. Magari te te ghè sentio tanto ben. Parché? Parché te ghè visto el amor che ghen’è intrà i fradei e che doperemo le medèsime publicassion in tuto el mondo par studiar la Bìblia. Anca se semo de posti e culture difarenti, tuti noantri ‘adoremo a Geovà in union’. — Sofonia 3:9.

2. Cossa che ghemo de far par viver in union coi nostri fradei?

La Bìblia la dise che ghemo de ‘amar tanto un al altro e de cuor’. (1 Piero 1:22) Come che podemo mostrar che amemo i nostri fradei? Invesse de vardar i so difeti, ghemo de vardar le so bele qualità. No volemo esser amighi e ndar a spasso sol insieme a quei che ghe piase le medèsime robe che noantri. Ghemo anca de sforsarse par esser amighi de fradei de diverse culture e de mai gaver qualche sentimenti rugni sora la cultura de qualchedun. — Ledi 1 Piero 2:17.a

3. Cossa che podemo far se noantri e nantro fradel se ghemo disgustà un al altro?

Come semo imperfeti, pol esser che ndemo disgustar un al altro. Par quela che la Bìblia la dise che ghemo de seitar a perdonar i nostri fradei. Ghemo de ricordarse che ‘cossita come Geovà el ne ga perdonà del tuto, anca noantri ghemo de far compagno’. (Ledi Colossensi 3:13.) Anca se ghemo belche disgustà a Geovà tante volte, lu el ne ga sempre perdonà. Par quela, lu el speta che anca noantri perdonemo i nostri fradei. Alora, se te sì nicorto che te ghè disgustà a qualchedun, sfòrsate par far le pace. — Ledi Mateo 5:23, 24.b

IMPARA DE PI!

4. Trata tute le persone compagno

Volemo mostrar amor a tuti i nostri fradei. Ma pol esser fadiga mostrar che amemo quei che i ze difarenti de noantri. Cossa che pol giutarne? Ledé Ati 10:34, 35, e dopo, parlé sora questo:

• Geovà el volaria che persone de tute le culture lo servisse. Come che te pol far compagno a Geovà in quel che te pensi sora le persone che le ze difarente de ti?

• Le persone le trata quei che i ze difarenti de lore de brute maniere. Ndove te sì de star, che robe no te vol far compagno de lore?

Ledé 2 Corinti 6:11-13, e dopo, parlé sora questo:

• Come che te pol imparar a amar fradei e sorele che i ze difarenti de ti?

5. Perdona de cuor e fà le pace

Anca se Geovà mai el ga bisogno del nostro perdon, lu el ne perdona. Ledé Salmo 86:5, e dopo, parlé sora questo:

• Parché che el perdon de Geovà l’è tanto bon?

• Parché che te sì grato par el perdon de Geovà?

• Che robe pol rovinar la nostra pace coi altri?

Come podemo far compagno a Geovà e seitar in union coi nostri fradei e sorele? Ledé Proverbi 19:11, e dopo, parlé sora questo:

• Quando qualchedun te dise su o el te disgusta, cossa che te pol far?

Dele volte, assemo i altri disgustadi. Quando questo sucede, cossa che podemo far? Vardé el VÌDEO, e dopo, parlé sora questo.

VÌDEO: Geovà el benedisse quei che i fà la pace (6:01)

• Nel vìdeo, cossa che la sorela la ga fato par gaver pace?

6. Varda le qualità dei fradei e dele sorele

Quando passemo de pi tempo insieme dei fradei e sorele, cognossemo de pi le so qualità e anca i so difeti. Alora, come che podemo seitar a vardar le so qualità? Vardé el VÌDEO, e dopo, parlé sora questo.

VÌDEO: Come che ti te vedi i fradei? (5:10)

• Cossa che pol giutarte a veder le bone qualità dei fradei e sorele?

Geovà el se consentra nele to qualità. Ledé 2 Cróniche 16:9a, e dopo, parlé sora questo:

• Come te te senti de saver che Geovà el se consentra nele to qualità?

COSSA CHE TE GHÈ IMPARÀ?

Te pol giutar a mantegner la union nela congregassion se te perdoni i to fradei e sorele e se te mostri che te li ami.

Sito bon de ricordarte?

• Come che te pol tratar a tute le persone compagno?

• Cossa che te ndarè far se qualchedun el te ga disgustà o se ti te lo ghè disgustà?

• Parché che te vol perdonar ai altri compagno Geovà el fà?

VUTO SAVER DE PI?

Varda come una ilustrassion de Gesù pol giutarne a no giulgar ai altri.

Cava via la trave del to òcio (6:56)

Sarà che ghemo de domandar scusa anca se pensemo che no ghemo fato gnanca un sbàlio?

“Domandar scusa giuta a far la pace” (La Sentinela, 1 de novembre de 2002)

Varda come che arquanti i ga imparà a tratar a tute le persone compagno.

No stà giulgar par quel che te vedi (5:06)

Varda come dàrghene fora con un problema che te ghè con un fradel prima de rovinar la pace de tuta la congregassion.

“Risolve i problemi con amor” (La Sentinela, maio de 2016)