Parla sora quel che interessa ale persone

Come che Gesù lo ga fato?

VÌDEO: Gesù e la dona de Samaria

1. Varda el VÌDEO, o ledi Gioani 4:6-9. Dopo, rispondi a queste domande:

1. A cossa che Gesù l’era atento vanti de scominsiar a parlar cola dona?

2. Gesù el ghe ga dito: “Dame un poco de àqua.” Parché che l’è stà bon che lu el ga scominsià a parlar con ela cossita?

Cossa che imparemo de Gesù?

2. Saremo boni de parlar cola persona se discoremo sora una roba che la ga interesse.

Fà compagno Gesù

3. Càmbia el assunto de acordo cola persona. No stà parlar sora quel che ti te vol. Scomìnsia a parlar sora quel che le persone le ze drio preocuparse adesso. Domàndate:

1. ‘Quale che le ze le ùltime notìssie?’

2. ‘Sora cossa che i me visini, coleghi de laoro o de scola i ze drio parlar?’

4. Varda intorno. Domàndate:

1. ‘Cossa che la persona la ze drio far? Cossa che fursi la ze drio pensar?’

2. Proa vardar le so robe de vestir, la so maniera de postarse o la so casa. ‘Cossa che queste robe le me mostra sora la so cultura e sora quel che la crede?’

3. ‘Sarà che l’è una bona ora de parlar con ela?’

5. Scolta la persona.

1. No stà parlar massa.

2. Assa la persona tranquila par parlar quel che la sente e quel che la pensa. Quando te vedi che l’è la ora giusta, fàghe domande.