COME SCOMINSIAR A PARLAR COLA PERSONA
LESSION 2
Parla de maniera natural
Prinsìpio: “L’è tanto bon quando una persona la parla una parola nel tempo giusto.” — Pro. 15:23.
Come che Filipe lo ga fato?
1. Varda el VÌDEO, o ledi Ati 8:30, 31. Dopo, rispondi a queste domande:
Come che Filipe el ga scominsià a parlar con quel omo?
Parché che l’è stà una bona maniera de scominsiar a parlar con lu e insegnarghe una roba nova? Cossa che ga sucedesto dopo?
Cossa che imparemo de Filipe?
2. Se parlemo de maniera natural sarà pi fàcile che la persona la ne scolte.
Fà compagno Filipe
3. Varda con atension. Podemo saver tanto sora una persona quando vardemo la maniera che la se posta, i so moti e la spression dela so fàcia. Par esémpio, podemo saver se la persona la vol parlar con noantri. Te pol scominsiar a parlar sora la Bìblia con una domanda: “Saveito che . . . ?” Fursi te vedi che la persona no la vol parlar con ti, alora no stà obrigarla.
4. Gàpia passiensa. No te ghè de parlar suito sora la Bìblia. Stà atento par parlar dela Bìblia quando vien fora una bona oportunità. Fursi, te tocarà spetar fin la pròssima volta che te parli cola persona par farlo.
5. Se ghe ocore, càmbia quel che te ndarè parlar. Pol esser che la persona la scomìnsie a parlar sora robe che no te eri parecià. Alora, sìpia pronto a parlar de robe che ghe interessa ala persona, anca se no l’è quel che te gavei in mente.