COME SCOMINSIAR A PARLAR COLA PERSONA
LESSION 4
Sìpia ùmile
Prinsìpio: “Gavé de esser ùmili e pensar che i altri i ze pi importanti che valtri.” — Fil. 2:3.
Come che Paolo lo ga fato?
1. Varda el VÌDEO, o ledi Ati 26:2, 3. Dopo, rispondi a queste domande:
Come che Paolo el ga mostrà che l’era ùmile quando el ga parlà col rè Agripa?
Quando el ga parlà con Agripa, come che Paolo el ga mostrà che no’l volea farse veder? — Vedi Ati 26:22.
Cossa che imparemo de Paolo?
2. Le persone ghe piaserà de pi de scoltar le bone notìssie se parlemo con lore con umiltà e rispeto.
Fà compagno Paolo
3. Parla con rispeto. No stà parlar de una maniera che la persona la pense che te sè de tuto e che ela no la sa gnente.
4. Assa ciaro che quel che te insegni vien dela Bìblia. La Parola de Dio la pol tocar el cuor dele persone. Quando doperemo la Bìblia, le giutemo a gaver fede nela Parola de Dio e nò in quel che disemo.
5. Mantégnate calmo. No volemo discutir cole persone. Alora, mantégnate calmo, sìpia ùmile e va via se ghe vol. (Pro. 17:14; Tito 3:2) Se parlemo de maniera tranquila, fursi la persona la volerà scoltarne nantro di.