COME SCOMINSIAR A PARLAR COLA PERSONA
LESSION 5
Parla con rispeto
Prinsìpio: “Le vostre parole le ga de esser sempre bele.” — Col. 4:6.
Come che Paolo lo ga fato?
1. Varda el VÌDEO, o ledi Ati 17:22, 23. Dopo, rispondi a queste domande:
Come che Paolo el se ga sentio quando el ga visto che le persone de Atena le adorea tanti falsi dèi? — Vedi Ati 17:16.
Invesse de dirghe su a quele persone, come che Paolo el ghe ga predicà le bone notìssie con rispeto?
Cossa che imparemo de Paolo?
2. Se pensemo ben in quel che ndaremo dir, come e quando, sarà pi fàcile che le persone le ne scolte.
Fà compagno Paolo
3. Pensa ben in quel che te ndarè dir. Par esémpio, pol esser che te ghè de parlar con una persona che la ga una cultura difarente e che no la cognosse ben la Bìblia. Alora, càmbia la maniera de parlar sora la Bìblia o sora Gesù.
4. No stà dir suito che la persona la ze sbaliada. Assa che la persona la parle quel che la pensa o sente. Se la dise qualcossa che no l’è mia quel che la Bìblia la insegna, no stà discutir con ela. (Tia. 1:19) Se te la scolti, te podarè capir quel che la pensa e parché che la pensa cossita. — Pro. 20:5.
5. Parla de una roba che valtri sì de acordo e loda la persona. Fursi ela la ze sicura che quel che la crede l’è giusto. Proa parlar de qualcossa che valtri sì intesi. Dopo, pin pianeto, giuta la persona a capir quel che la Bìblia la insegna.