DOMANDE CHE LA BÌBLIA LA RISPONDE

I nostri pecati i pol esser perdonadi?

La Bìblia la dise che tuti i umani i ze pecadori. Noantri ghemo eredità el pecà del primo omo, Adon. Come pendemo a far pecati, dele volte femo robe sbaliade che dopo se ciamemo grami. Ma i nostri pecati i pol esser perdonadi. El Fiol de Dio, Gesù Cristo, l’è morto par risgatar noantri. Questo l’è stà un presente de Dio par noantri. — Ledi Romani 3:23, 24.

Tante persone che le ga fato bruti pecati le se domanda se Dio el va perdonarle. Ne consola saver quel che la Bìblia la dise: “El sangue de Gesù, el so Fiol, ne purifica de tuti i pecati.” (1 Gioani 1:7) Geovà l’è disposto a perdonar fin bruti pecati, se mostremo che se ciamemo grami. — Ledi Isaia 1:18.

Cossa ghemo de far par esser perdonadi?

Se volemo esser perdonadi par Geovà, ne ocore imparar sora lu — la so maniera de far le robe, i so consili e le so lege. (Gioani 17:3) Geovà l’è generoso in perdonar i pecati de quei che i se ciama grami dei so sbali e che i fà sforso par cambiar. — Ledi Ati 3:19.

Gaver la aprovassion de Dio no l’è fadiga come tanti i pensa. Geovà el capisse le nostre fiachesse. Lu l’è misericordioso e bondoso. Questo no te dà ancora de pi voia de imparar a far le robe che ghe piase a Lu? — Ledi Salmo 103:13, 14.