Fà el to stùdio dela Bìblia de una maniera che te giuta e che te piase

PARCHÉ CHE L’È IMPORTANTE: El nostro stùdio dela Bìblia el ne giuta a capir ‘quanto che la verità la ze larga, longa, alta e profonda’. (Efesi 3:18) El stùdio el ne giuta anca a esser difarenti, o sia sensa difeto e inossenti in questo mondo rugno e a ‘tégnerse streti ala parola dela vita’. (Filipensi 2:15, 16) Quando che femo el nostro stùdio dela Bìblia, podemo scolier de studiar quel che noantri ghemo pròpio de bisogno. Cossa che podemo far par doperar ben el tempo del nostro stùdio dela Bìblia?

COME FAR:

• Meti in evidensa i testi e fà anotassion nela to Bìblia che te doperi par studiar o in quela nel dispositivo eletrònico.

• Intanto che te ledi la Bìblia, fà queste domande: Chi? Cossa? Ndove? Come? Quando? Parché?

• Dopera tute le feramente che ghemo par ndar in serca de saver de pi sora el relato dela Bìblia. Peschisa una parola ciave o un versìcolo.

• Pénsaghe sora quel che te ledi par capir come che te pol méterlo in pratica nela to vita.

• Meti in pràtica nela vita quel che te impari. — Luca 6:47, 48

VARDA EL VÌDEO COME FAR BEN EL TO STÙDIO DELA BÌBLIA, E DOPO RISPONDI A QUESTE DOMANDE:

• Cossa che arquanti i ga dito sora el stùdio personal dela Bìblia?

• Parché che bisogna scominsiar el nostro stùdio dela Bìblia con una orassion?

• Cossa che ne giuta a capir meio i relati dela Bìblia?

• Che tipo de marcassion te pol far nela Bìblia che te doperi par studiar?

• Parché che l’è pròpio importante pensarghe sora quel che se lede quando che se stùdia?

• Cossa che ghemo de far con quel che imparemo?