Giuta el to studiante dela Bìblia a assister le riunion

Le riunion le ze una parte tanto importante dela nostra adorassion. (Sal. 22:22) Quando semo insieme par adorar a Geovà la nostra alegria la resta pi granda e ricevemo ancora de pi benedission. (Sal. 65:4) L’è pi fàcile che i studianti i fae progresso pi svelto se i assiste ale riunion.

Come che te pol giutar el to studiante a ndar ale riunion? Seita convidarlo. Móstraghe el vìdeo Cossa che sucede in un Salon de Regno?. Spiegaghe parché che sarà bon che lu el vae ale riunion. (Viver felice par sempre! lession 10) Parla de una roba interessante che te ghè imparà nte una riunion o cóntaghe qualcossa sora la pròssima. Daghe le publicassion che doperemo nele riunion o móstraghe come che lu el pol catarle fora nela parte “Reuniões” nel aplicativo JW Library^®. Pensa in altre maniere de giutarlo a ndar ale riunion. Par esémpio, te pol torlo casa. Cossita, dopo che el to studiante el vae ala so prima riunion, te vederè che tuto el to sforso el ga valesto la pena. — 1 Cor. 14:24, 25

VARDA EL VÌDEO GIUTA EL TO STUDIANTE DELA BÌBLIA A ASSISTER LE RIUNION, E DOPO RISPONDI A QUESTE DOMANDE:

• 

  Come che Rita la ga doperà una oportunità par convidar Sara par ndar a una riunion?

• 

  Parché che la nostra alegria la resta pi granda quando un studiante el va ale riunion?

• 

  Cossa che Sara la ga catà dela so prima riunion?