Giuta el to studiante a star distante dele brute compagnie

Se i studianti i vol esser amighi de Dio, lori i ga de scòlier ben i so amighi. (Sal. 15:1, 4) Persone che le serve a Geovà le pol giutar el studiante a far quel che l’è giusto. — Pro. 13:20; Viver felice par sempre! lession 48.

Ricòrdate che pol esser fadiga par el studiante fermarse de star insieme coi amighi che el gavea vanti. Alora, lu el gavarà bisogno del to aiuto. Sìpia so amigo nò sol nel giorno che studié la Bìblia. Fursi, te pol parlar con lu par telèfono, mandarghe un messàgio o anca farghe una vìsita. Se el to studiante l’è drio far cambiamenti, te pol convidarlo par star insieme de ti e altri fradei par divertirse. Cossita, lu el vedarà che no l’è drio perder qualcossa, ma l’è drio guadagnar una fameia de fradei. (Mar. 10:29, 30) Ti te gavarè alegria quando te vedi che la fameia de Geovà la ze drio restar ancora pi granda.

VARDA EL VIDEO GIUTA EL TO STUDIANTE DELA BÌBLIA A STAR DISTANTE DELE BRUTE COMPAGNIE, E DOPO RISPONDI A QUESTE DOMANDE:

• Cossa ze brute compagnie? — 1 Cor. 15:33

• Cossa che Sara la pensea che i fradei i fea par divertirse?

• Cossa che Rita la ga fato par giutar Sara a gaver bone compagnie?