Cata boni consili nel JW.ORG

Nela Bìblia, podemo catar aiuto par darghene fora cole dificoltà de questi ùltimi giorni. (2 Tim. 3:1, 16, 17) Ma dele volte, ghemo bisogno de aiuto par catar fora prinsipi dela Bìblia par quel che ne ocore. Par esémpio, vuto orientassion par slevar su i fioi? Sito un gióveno che infronta dificoltà par causa dela to fede? Sito drio patir parché l’è morto to omo o to dona? Nel site jw.org, te pol catar prinsipi dela Bìblia che i te giutarà in qualche situassion. — Pro. 2:3-6

Nela pàgina de scomìnsio del site, struca in COSSA INSEGNA LA BÌBLIA e scoli un assunto. (Varda la stampa 1.) O va in BIBLIOTECA > SÈRIE DE ARTÌCOLI e scoli un assunto. (Varda la stampa 2.) Nel aplicativo JW Library^®a, te cati i medèsimi assunti. Proa darghe una ociada nel site o nel aplicativo par leder i diversi artìcoli. Nel site jw.org, te pol anca scriver quel che te vol saver de pi nel quadreto “Ndar in serca”, ndove ghen’è la lupa.

Scrivi nel quadreto “Ndar in serca” un de questi tre assunti qua soto. E dopo fà una strissa de artìcoli che te piaseria leder.

• Come slevar su i fioi

• Depression

• Aiuto par infrontar el dolor dela morte