Come doperar i vìdei che i spiega come l’è un stùdio dela Bìblia

Ghemo quatro vìdei che i spiega sora el stùdio dela Bìblia e che podemo doperarli nela predicassion. Ma parché che cada un l’è stà fato?

• 

  Parché studiar la Bìblia? — Version completa l’è stà fato par giutar le persone a gaver interesse nela Bìblia no importa le so credense religiose. El insentiva le persone a catar nela Bìblia le risposte pi importante dela vita e el dà un esémpio de come le risposte le ze sémplisse. Anca el spiega come domandar un stùdio dela Bìblia.

• 

  Parché studiar la Bìblia? (version pi curta) l’è compagno a quel dela version completa, ma el ga intorno de un minuto. Questo vìdeo el pol esser doperà ndove le persone no le ga tanto tempo par parlar con noantri.

• 

  Come che l’è un stùdio bìblico? l’è stà fato par giutar le persone a gaver interesse nel stùdio dela Bìblia e el spiega che no le ghe ocore pagar gnente. El vìdeo el risponde ale domande che fursi le persone le ga interesse. Par esémpio, come domandar un stùdio dela Bìblia.

• 

  Benvenuto al to stùdio dela Bìblia l’è stà fato par mostrarghe ale persone che le ze drio studiar la Bìblia. Stesso che el vìdeo l’è nela pàgina 2 del libro Viver felice par sempre!, te pol mostrarlo anca intanto che te studi cola persona la revista Viver felice par sempre!. El vìdeo el mostra cossa che ghen’è nel libro e cossa che el studiante el ndarà imparar.

Cada vìdeo l’è stà fato con un ogetivo, ma te pol mostrarli quando te cati che l’è meio. I predicadori i ze insentivadi a cognosser ben i vìdei par doperarli dela meio maniera nela predicassion.