VIVEMO COME GESÙ
Lori i laora tanto par incoraiarne
I superintendenti de sircuito e le so done i mostra tanto amor ai fradei dele congregassion. Ma come noantri, anca lori dele volte i resta strachi, desanimadi e ansiosi. (Tia. 5:17) Stesso cossita, tute le stimane lori i assa de banda le so robe e i se consentra in incoraiar i fradei dele congregassion che le ze visitade. I superintendenti de sircuito i mèrita tanto rispeto. — 1 Tim. 5:17
Quando el apòstolo Paolo el ga pensà in visitar le congregassion de Roma par ‘spartir le benedission spiritual con lori’, el so ogetivo l’era che lu e anca lori i fussi incoraiadi. (Rom. 1:11, 12) E come noantri podemo incoraiar el nostro superintendente de sircuito e la so dona, se lu l’è maridà?
VARDA EL VÌDEO LA VITA DE UN SUPERINTENDENTE DE SIRCUITO IN POSTI DISTANTI, E DOPO RISPONDI A QUESTE DOMANDE:
De che maniere el superintendente de sircuito e la so dona i mostra amor par le congregassion?
Come che la vìsita de un superintendente de sircuito la te ga belche giutà?
Come podemo incoraiar questi fradei?