Proa studiar de pi

Cossa che te ghè de studiar par prima?

Tuti noantri ghemo poco tempo par studiar la Bìblia e le publicassion. Alora, come che podemo doperar ben questo tempo? Prima, ledi con calma. L’è meio che te ledi e che te studi sol un toco con calma invesse de ciapar massa informassion e studiarle svelto.

Dopo, pensa cossa che te vè studiar par prima. (Efe. 5:15, 16) Varda un per de idee:

• Ledi la Bìblia tuti i di. (Sal. 1:2) Te pol scominsiar a leder i capìtoli dela letura par la stimana dela riunion Vivemo e Insegnemo.

• Paréciate par el stùdio dela Sentinela e par la riunion in meso la stimana. Sìpia ben parecià par far comentari. — Sal. 22:22.

• Dopera el to tempo par veder i ùltimi vìdei e leder le reviste e i artìcoli che vien fora nel site jw.org.

• Stùdia una roba che te interessa de pi. Par esémpio, te pol ndar in serca de come dàrghene fora con una dificoltà, catar la risposta par una domanda che te ghè o qualcossa dela Bìblia che te vol capir meio. Nel site jw.org, te pol veder “Exercícios Bíblicos” par catar altre idee.