Dio l’era drio perdonar i pecati che le persone le gavea fato nel passà

L’è sol par meso del sacrifìssio de Gesù che ghemo el perdon dei pecati. (Efe. 1:7) La Bìblia la dise che ‘Dio l’è stà passiente e che l’era drio perdonar i pecati che le persone le ga fato nel passà’ ancora vanti che Gesù el desse la so vita come sacrifìssio. (Rom. 3:25) Ma come che Geovà el ga perdonà questi pecati vanti se lu sempre el fà quel che l’è giusto?

Geovà el ga prometesto che un “dissendente” el gavaria salvà quei che i ga fede in lu e nele so promesse. Quando lu el ga fato questa promessa, l’era come se el sacrifìssio el fusse belche stato fato. (Gén. 3:15; 22:18) Parché? Parché Dio l’era sicuro che so Fiol daria la so vita de volentiera nel tempo giusto. (Gàl. 4:4; Ebr. 10:7-10) Par quela che, quando Gesù l’era nela tera, Geovà el ghe ga dato la autorità de perdonar i pecati ancora vanti dela so morte. Gesù el savea che par meso del so sacrifìssio Dio el ndaria perdonar i pecati de quei che i gavea fede. — Mat. 9:2-6.