Imagina le stòrie dela Bìblia

La Bìblia la ga tante stòrie che ne insegna lession importante. Se proemo imaginar come ga sucedesto queste stòrie, sarà pi fàcile capirle, e quel che ledemo podarà giutarne tanto. Varda arquante robe che te pol far par imaginar le stòrie dela Bìblia.

• Ledi in voce alta. Se te ledi la Bìblia in voce alta, sarà pi fàcile imaginar quel che l’è drio suceder nela stòria. Quando te sì drio leder la Bìblia insieme cola fameia, cada un el pol leder quel che una persona dela stòria la ga dito. Cossita, sarà pi fàcile imaginarte rento la stòria.

• Imagina quel che l’è drio suceder. Proa imaginar quel che le persone dela stòria le ze drio pensar e sentir. Par esémpio, te pol domandarte: ‘Parché che la persona la ga dito o la ga fato quel lì? Se mi fusse nel so posto, cossa che mi gavaria pensà o sentio?’

• Proa far un desegno. Far un desegno de quel che ga sucedesto pol giutarte a ricordarte de pi dela stòria. E no stà preocuparte, te pol far un desegno sémplisse.