LESSION 4

Come giutar le persone a capir un testo dela Bìblia

Mateo 22:41-45

COSSA CHE TE GHÈ DE FAR: Vanti de leder un testo, assa ciaro parché che te vè léderlo.

Pensa parché che te vè leder quel testo. Vanti de leder un testo, parla qualcossa che giuta la persona a capir qual che l’è el punto prinsipal del testo.

Se te vol mensionar pi detali del testo, daghe informassion giuste. Par esémpio, te pol dir chi che el ga scrito quel libro o chi che el ga dito quele parole.
Mostra che tuto quel che te sì drio dir vien dela Bìblia. Quando te parli con persone che le crede in Dio, assa ciaro che la Bìblia la ze la Parola de Dio e la ga el meio saver.
Assa la persona curiosa. Fà una domanda e mostra come che el testo el ghe dà la risposta. Parla de un problema e mostra come che la Bìblia la giuta a risolverlo; o mensiona un prinsìpio e mostra come che la Bìblia la giuta a méterlo in pràtica.

Pensa in quel che le persone belche le sà sora quel testo e sora quel che te sì drio parlar. Te pol ciamar la atension par un detàlio del testo anca se l’è ben cognossesto e giutar la persona a capirlo meio o a capirlo de una maniera difarente.