LESSION 6

Come spiegar ben un testo dela Bìblia

Gioani 10:33-36

COSSA CHE TE GHÈ DE FAR: Ledi el testo e spiega la relassion che ghen’è intrà el testo e el punto che te vol insegnar.

Meti in evidensa le parole prinsipai. Dopo che te ghè ledesto el testo, meti in evidensa le parole che le ze relassionade col punto che te vol insegnar. Te pol dir nantra volta queste parole o far domande che le giuta le persone a capir quale che le ze queste parole.

Se ti te doperi le to parole par spiegar el testo, stà atento che le persone le seite capir ben quala che la ze la relassion intrà el testo e el punto che te vol insegnar.
Assa ciaro qual che l’è el punto che te vol insegnar. Se vanti de leder el testo te ghè spiegà parché che te vol léderlo, adesso spiega come che le parole prinsipai le ze relassionade col punto che te vol insegnar.

Intanto che te spieghi el testo, assa la Bìblia verta. Questo el giutarà quei che i te scolta a capir la relassion intrà quel che te sì drio dir e el testo che te ghè pena ledesto.
Fà una spiegassion sémplisse. No stà mia parlar de detali che no i ze relassionadi col punto prinsipal. Prima, pensa in quel che le persone belche le sà e dopo dessidi che informassion darghe par giutarle a capir el punto.