Come far meio la nostra predicassion — Fèrmate de far studi che no i fà progresso

PARCHÉ CHE L’È IMPORTANTE: Le persone le ga de ciamar el nome de Geovà par esser salvade. (Romani 10:13, 14) Ancora cossita, gnanca tute le persone che le stùdia la Bìblia le vol viver de acordo coi prinsipi de Geovà. Noantri ghemo de doperar ben el nostro tempo pressioso nela predicassion. Par quela noantri ghemo de far sforsi par insegnar la Bìblia ale persone che le vol cambiar la so vita par piaserghe a Geovà. Se una persona che la ze drio studiar la Bìblia no la fà tanto progresso in un tempo sufissiente, sarà meio doperar i nostri sforsi par altre persone. Ndemo in serca dele persone che Geovà el vol far vegner a Lu e ala so organisassion. (Gioani 6:44) Sicuro che se la persona la mostrarà che la ga “la giusta disposission par la vita eterna”, noantri saremo ben contenti de insegnarghe la Bìblia nantra volta. — Ati 13:48.

COME FAR:

• Loda el studiante che el vol gaver la cognossensa giusta dela Bìblia. — 1 Timòteo 2:4.

• Assa ben ciaro che l’è importante praticar quel che lu el impara. — Luca 6:46-49.

• Considera con lu la ilustrassion de Gesù sora el semenador, e con bontà domanda a lu de proar capir cossa che l’è drio intrigar el so progresso. — Mateo 13:18-23.

• Spiega con educassion parché te sì drio fermarte de far el stùdio.

• Dighe che dele volte te ndarè ancora visitarlo par incoraiarlo e che el pol far el stùdio nantra volta pi avanti se lu el farà qualche progresso.

VARDA EL VÌDEO E RISPONDI ALE DOMANDE:

• Nela conversassion, cossa che ga mostrà che el studiante no’l era mia drio far progresso?

• Come che el publicador el ga giutà el studiante a capir che el ghe tochea cambiar?

• Come che el publicador el ga mostrà che el studiante el poderà scominsiar el stùdio nantra volta pi avanti?