LESSION 13

Come giutar le persone a meter in pràtica quel che le impara

Proverbi 3:21

COSSA CHE TE GHÈ DE FAR: Giuta le persone a capir come quel che le ga imparà pol giutarle e come le pol méterlo in pràtica.

Pensa nele persone. Pensa parché le persone le ga bisogno de queste informassion e scoli quali punti i pol giutarle.
Mostra cossa che le ga de far. Del scomìnsio, quei che i te scolta i ga de pensar: “Questo l’è giusto quel che me ocorea!”. Móstraghe con esempi come che le pol meter in pràtica quel che le ga imparà.

Spiega con amor e bontà come meter in pràtica i prinsipi dela Bìblia. Invesse de far sentir le persone in colpa, fà pi forte el so amor e la so fede in Dio. Fìdate che lore le vol far quel che l’è giusto.